കൂടം

 

 

പാറതന്‍ മണ്ടയടിച്ചു 

പൊളിക്കുവാന്‍
പാവങ്ങള്‍ക്കുണ്ടേ 

ഇരുംപിന്‍ കൂടം..
അവരുടെ മണ്ടയടിച്ചു 

പൊളിക്കുവാന്‍
ഭരണക്കാര്‍ക്കുണ്ടേ 

ഭരണകൂടം..
അവരുടെ മണ്ടയില്‍ 

തങ്ങിനില്‍ക്കുന്നതോ 

കാളകൂടം ..!!

നുറുങ്ങുകള്‍

വൈരുദ്ധ്യം

      വിളക്കുണ്ട് എണ്ണയില്ല

      എണ്ണയുണ്ട് വിളക്കില്ല

      വിളക്കുമെണ്ണയുമുള്ളപ്പോള്‍

      ഇരുളില്ലാതുഴന്നു ഞാന്‍ ..!

പേര്‌

     ആലയമുണ്ടതിലണയാതെ
     അലയുന്നോരുടെ പേരല്ലൊ
     ആലയമില്ലാതലയുന്നൊര്‍ക്കാ-
     ളുകള്‍ പറയും പെരെന്നും ..!

 തറ പറ 

  

പറയെവിടെ പറ

തറയെവിദെ പറ

പറ പറന്നോ പറ

തറ തകര്‍ന്നൊ പറ

തറയും പറയും

പറപറന്നോ..!!

  

തത്ത

തത്തെ തത്തെ തത്തമ്മേ
പൊത്തിലിരിക്കണ തത്തമ്മേ
പാത്തുപതുങ്ങിയിരിപ്പാണോ
കുഞ്ഞുങ്ങളെയും പാര്‍ത്തവിടെ..?

തത്തെ നിന്നുടെ കുഞ്ഞുങ്ങള്‍
തത്തി നടക്കാറായില്ലേ..
പൊത്തിലിരുന്നവയെപ്പൊഴും
കൊത്തിത്തിന്നുകയണെന്നൊ..

കാടുകള്‍ പൂത്തതറിഞ്ഞില്ലേ
വയലുകളൊക്കെ വിളഞ്ഞില്ലേ
നെല്‍കതിരുകളും കൊത്തിയെടുത്തീ-
പൊത്തിനകത്തേക്കെത്തേണ്‍ടേ..?

പൂമ്പാറ്റ

പൂവില്‍ പറ്റിയിരുന്നിട്ടങ്ങിനെ
പൂന്തേനുണ്ണും പൂമ്പാറ്റേ
നീയൊരു മടിയന്‍ തേന്‍കുടിയന്‍,
വേലകള്‍ വേറെ നിനക്കില്ലേ

അരുതെ കുഞ്ഞേ പറയരുതെ
അറിയാതൊന്നും പറയരുതെ
പൂവുകള്‍തോറും പറിനടന്ന്
പൂന്തേന്‍ നിത്യം ഞാന്‍ നുകരും
പകരം പൂമ്പൊടി ഞാനേന്തി
പകരുന്നെല്ലാ പൂക്കളിലും
പാരില്‍ സസ്യലതാദികളില്‍
തിങ്ങുന്നങ്ങിനെ കായ്കനികള്‍
ഇനിയും, കുഞ്ഞേ പറയൂ നീ
മാനവരല്ലാതാരാണീ പാരിതി-
ലെന്നും മടിയന്‍മാര്‍..!!